ازيكو جميعاً ...عاملين أيه ياخوانا فى الحر ده؟
بصراحة كده ومش هخبى عليكو....
قررت شركة الانتاج الفنى والابداعى لتأليف المدونات اللى مقرها فى النص الايمن من دماغى ...
ايوة هنا..هنا ...لالا ..يمين شويه ...
ها لقيتها ...المهم عقبال ماتلقيها أكون أنا قولت اللى عايزة أقوله...وابقى قابلنى لو لقيتها
لالالا...اوعى دماغك تروح لبعيد اوى كده ...ده علشان أخد العنوان بس ...
المهم بقه ليه ياترى الشركه فكرت أخيراً فى عمل المدونه دى ؟؟!!
أقولكم أنا...الشركه لقت إنها بتقرأ كتير حبتين فقالت ليه بقه مانقولش اللى بنقرأه ده للناس وننقله ليهم على الجاهز
واهو كله بثوابه ...وهنيالك يافاعل الخير...
فقررت الشركه أنها تعمل مدونه تقول فيها كل اللى تقراه من علوم مختلفه ..
مثلا يعنى زى قصص الصحابه
او يعنى مثلا زى قصص رومانسيه وإنسانيه
اوحتى يعنى مقالات أدبيه
وماتقلقش عندنا من ده كتير...ابقى عدى علينا وخد شويه
ايه ده ؟هى الساعه كام؟
يانهااااااااار معلش بقه نكمل المرة الجايه...
لقد انتهى وقت العمل فى الشركه اياها
اشوفكم بخير
